26
Sep
காரணி
பெருந்தாகங் கொண்ட
வருணனைக் கொவ்வாத
விலங்கொன்று
எச்சில் சொட்டச் சொட்ட
எதிர்ப்பட்டிருக்கலாம் தெருமுனையில்
Tags: ஆதலினால் கவிதை ...
Archive for September, 2008
ஒரு ஆறு மாசம் ஆகுதுங்க ..இந்த ப்ளோக் எல்லாம் பார்க்க ஆரம்பிச்சு . எங்கயோ ஆரம்பிச்சு , அங்க இங்க link பிடிச்சு ஒரு ஏழெட்டு ப்ளோக் தவறாம பாக்கறது வழக்கம் ஆய்டுச்சு . (பேரெல்லாம் சொல்லனும்னு ஆசை தான் .. சொறிஞ்சு விடுறேன்னு நம்மளையும் சொல்லிட்டாங்கைன்னா ). எல்லாரையும் பார்த்து எனக்கும் ஆசை வந்து இந்த பட்டாம்பூச்சி விற்பவனையும் ஆரம்பிச்சாச்சு .தினமும் வரவேண்டியது . எதையாவது update பண்ண வேண்டியது. பத்து நிமிசத்துக்கு ஒருக்கா தொறந்து பார்த்து யாராவது பின்னூட்டம் போட்டு இருக்காங்களான்னு பாக்க வேண்டியது .(கள்ளிக் காட்டு இதிகாசமா எழுதிட்ட)
Tags: மொக்கை
முன்னறிமுகமில்லாத தெருக்களே
தூண்டிலெனக் குத்தி இழுத்து
கண்களில் பாய்ச்சுகின்றன கவனத்தை
இறந்து போன
ஏதோ ஒரு இரவில்
இங்கு தானா வந்து போனது
அடைக்கப் பட்ட வாகனத்தில்
சென்றாலும்
கருப்பு பூசிய கண்ணாடியை
ஊடுருவிப் பார்க்கின்றன கண்கள்
Tags: ஆதலினால் கவிதை ...
இருள் மேவிய
நேற்றைய நீள் இரவின்
கடிகாரம் காண முடியா
ஒரு தருணத்தில்
திறந்து வைத்த சாரளத்தின் வழி
தப்பியோடிக் கொண்டிருந்தன
என் கவிதைகள்
Tags: ஆதலினால் கவிதை ...
23
Sep
தக்கன …
சில நேரங்களில்
நேர்ந்து விடுகின்றன
இவைகள்
நாமறியாமல் இல்லை
விளைவறியாமல்
கைதவறி கண்ணாடிக் குமிழ்கள்
உடைகின்றன
துடிக்கின்ற மீன்களுக்கு
தூண்டில்கள் இல்லை
Tags: ஆதலினால் கவிதை
23
Sep
புலம் பெயர்தல்
கூடுகட்ட மரங்களற்று
குறைந்த பட்சம் புகை போக்கிகளும் காணாமல்
டிஷ் ஆண்டெனாக்கள் தேடி
நகர் நோக்கிப் பறந்தபடி இருக்கின்றன
காகங்கள்
கதை சொல்ல யாருமின்றி
உருக்குலைந்து திண்ணைகளோரம்
மூப்பேறிய குறு உரல்களில்
பாக்குடன் சேர்த்து
பழசையும் இடித்தபடி
வானம் பார்த்துக் கிடக்கின்றனர்
கதை சொல்லிப் பாட்டிகள்
Tags: ஆதலினால் கவிதை ...
17
Sep
சர்வம் சூன்யம்-4
சர்வம்-4
“அப்பூர்வாஆஆஆ “
“பாருங்க .. என்ன பண்ணி வச்சிருக்கீங்கன்னு . எல்லாம் உங்களால தான் ” கையைத் தூக்கிப் பிடித்துக் கொண்டாள் . ரத்தம் வழிந்து கொண்டிருந்தது . வளையல் கீரியதற்கு இவ்வளவா .தரையெல்லாம் வேறு சிதறியிருந்தது . கொழ கொழவென்று ….. ஆனால் வெள்ளையாக .
தலை சுற்றியது . எல்லாம் மங்கலாகத் தெரி …….
Tags: கதை நேரம்
தற்சமயம் நகரவாசியாகிவிட்ட
கிராமத்துத் தந்தை தன்
பிறவி நகரக் குழந்தையுடன்
புதிதாய் வாங்கிய அடுக்கு மாடி வீட்டில்
புதுமானைப் புகுவிழா கொண்டாடிய
மூன்றாம் நாள் ..
இறக்குமதி வாசனைத் திரவியம்
ஊரே மணக்கும்
கர்வமாய்ச் சொன்னார்
கிராமத்துத் தந்தை
ஜன்னல் திறந்து வைத்தால்
வருமா வண்ணத்துப் பூச்சிகள்
கேட்கிறது
நகரத்துக் குழந்தை .
Tags: ஆதலினால் கவிதை ...
12
Sep
காற்புள்ளி
தொடர்ந்து ஒடவேண்டியிருக்கும்
நேரங்களிலும் கூட
வேகமாக ஓடியும்
நிலையங்கள் காண்கையில்
நிதானித்து நின்று போகும்
புகை வண்டியினைப் போல்
உன் நினைவுகள் நிறுத்துகையில்
உருக்கும் வெயிலிலும்
கைக்குட்டையில் வியர்வையினை
மடித்து வைத்துக் கொண்டு
புன்னகைத்துக் கடக்கிறேன்
உன் நினைவுகளை அல்ல …
Tags: ஆதலினால் கவிதை ...
12
Sep
இதழ்காட்டி
புன்னகைகள் மலர வேண்டும்
வெகு இயல்பாய்
பறவைகள் பாடித் திரியும்
வழியின்போக்கன் பார்வை திருடும்
பெயர் தெரியாத
ஒரு பூவைப் போல …
செடி போலத் தோன்றினாலும்
பால் ஊற்றி வேண்டினாலும்
என்றும் பூப்பதில்லை
தொட்டியில் புதைக்கப்பட்ட
குரோட்டன் செடிகள் ..
Tags: ஆதலினால் கவிதை ...